Нова вулканска ерупција на Исланд, петта од декември
- Новата ерупција е резултат на еруптивната активност на вулканот што траела речиси осум недели, објавија британските медиуми.
![Нова вулканска ерупција на Исланд, петта од декември](https://new.mia.mk/index.php/images/20240529152228_big_730x400_31.webp )
Рејкјавик, 29 мај 2024 (МИА) - На полуостровот Рејкјанес, во југозападниот дел на Исланд, денеска повторно еруптираше вулканот Рејкјанес, што е петта ерупција на овој вулкан од декември.
Новата ерупција е резултат на еруптивната активност на вулканот што траела речиси осум недели, објавија британските медиуми.
Исландските власти предупредуваат на ризик од обнова на вулканска активност во областа јужно од главниот град Рејкјавик, бидејќи студиите покажуваат дека магмата се акумулирала под земја.
Научниците предупредуваат дека ерупциите може да се случуваат повторно и повторно во Рејкјанес со децении, па дури и со векови.
Ова е осма ерупција на полуостровот од 2021 година, кога геолошките системи кои беа неактивни околу 800 години повторно станаа активни.
За време на претходните ерупции, дојде до нарушување на греењето, клучните патишта беа затворени и неколку куќи беа срамнети со земја во рибарскиот град Гриндавик, каде што оттогаш се вратија само неколку жители.сд/
фото:МИА архива