Белград, 20 ноември 2023 (МИА) - На официјалниот Јутјуб-канал на Ѓорѓе Балашевиќ излезе нова верзија на песната „Човек со месечина во очите“ отпеана во живо. Песната е посветена на хрватскиот град Вуковар и „сите разурнати градови на светот“, како што еднаш посочи покојниот српски пејач и поет.

На каналот што го води семејството на Балашевиќ има студиски и неколку верзии на песната во живо. Последната верзија изведена во живо е објавена синоќа.

Песната е дел од култниот албум „Еден од оние животи“. На истиот албум се наоѓа и песната „Криви сме ние“ - уште една антивоена песна на Балашевиќ, а по таа плоча, српскиот пејач ги навлече на себе критиките меѓу приврзаниците на Слободан Милошевиќ и тогашната српска власт.  си/сд/

Фото: МИА архива