Нобеловци бараат привремено откажување од интелектуална сопственост врз вакцините против Ковид-19
- Повеќе од 100 нобеловци и 60 поранешни шефови на држави и екс-премиери од целиот свет апелираа до американскиот претседател Џо Бајден да го поддржи предлогот на Јужна Африка и Индија за привр
![Нобеловци бараат привремено откажување од интелектуална сопственост врз вакцините против Ковид-19](https://new.mia.mk/index.php/images/20221107014714_big_730x400_25.webp )
Вашингтон, 15 април 2021 (МИА) - Повеќе од 100 нобеловци и 60 поранешни шефови на држави и екс-премиери од целиот свет апелираа до американскиот претседател Џо Бајден да го поддржи предлогот на Јужна Африка и Индија за привремено откажување од интелектуална сопственост врз вакцините против Ковид-19.
Научниците и политичарите бараат привремено замрзнување на правилата на Светската трговска организација за интелектуална сопственост во врска со производството на вакцини против инфекција со коронавирусот.
Целта е да се зголеми производството на лекови за борба со пандемијата во земјите каде што недостигаат и да се забрза борбата со заразата.
Доколку тоа не се случи, многу земји нема да можат да извршат масовна вакцинација до 2024 година со сегашната стапка на производство на лекови против Ковид-19, се вели во отвореното писмо до Бајден. паг/