Николовски од Анкара: Обезбедуваме дополнителни количини вештачко ѓубре
- Министерот за земјоделство, шумарство и водостопанство, Љупчо Николовски денеска оствари работна средба со министерот за земјоделство и шумарство на Република Турција, Вахит Киришчи.
![Николовски од Анкара: Обезбедуваме дополнителни количини вештачко ѓубре](https://new.mia.mk/index.php/images/20221112172646_big_730x400_39.webp )
Скопје, 13 април 2022 (МИА) - Министерот за земјоделство, шумарство и водостопанство, Љупчо Николовски денеска оствари работна средба со министерот за земјоделство и шумарство на Република Турција, Вахит Киришчи.
Како што соопшти МЗШВ. двајцата министри ја потврдија досегашната трговска размена помеѓу двете пријателски земји и ги прецизираа идните активности во насока за зголемување на трговските капацитети и обезбедување дополнителни количини вештачки ѓубрива за македонските земјоделци.
Министрите на работниот состанок изразија заедничка согласност за реактивирање на земјоделската насочувачка комисија, која повеќе од 10 години не е во функција, а чија клучна цел е проширување на палетата производи за кои би имало намалување на царинските стапки од страна на двете земји.
На средбата министерот Николовски со својот турски колега Коришички разговараше и за продолжување на соработката помеѓу двете држави околу моделот за осигурување на земјоделски поседи на којшто во моментов работи министерството за земјоделство, шумарство и водостопанство. мч/цр/
![николовски](/articles/images/%d0%bd%d0%b8%d0%ba%d0%be%d0%bb%d0%be%d0%b2%d1%81%d0%ba%d0%b8-%d0%be%d0/ptyBACpjb/placeholder.webp?use_watermark=0)
![Киришчи](/articles/images/%d0%bd%d0%b8%d0%ba%d0%be%d0%bb%d0%be%d0%b2%d1%81%d0%ba%d0%b8-%d0%be%d0/nbDDwVf7p/placeholder.webp?use_watermark=0)