Николовски: Македонското вино е нашиот најдобар промотор
- Македонското вино е нешто со што се гордееме. Најдобриот промотор, најгласниот и најдиректниот маркетинг на нашата земја. Јасно и силно го рефлектира успехот на нашата стратегија, а тоа е пресликано и денес на Винскиот саем, напиша министерот за земјоделство, шумарство и водостопанство Љупчо Николовски на својот фејсбук профил.
![Николовски: Македонското вино е нашиот најдобар промотор](https://new.mia.mk/index.php/images/20231116203936_big_730x400_51.webp )
Скопје, 16 ноември 2023 (МИА) - Македонското вино е нешто со што се гордееме. Најдобриот промотор, најгласниот и најдиректниот маркетинг на нашата земја. Јасно и силно го рефлектира успехот на нашата стратегија, а тоа е пресликано и денес на Винскиот саем, напиша министерот за земјоделство, шумарство и водостопанство Љупчо Николовски на својот фејсбук профил.
Николовски е дел од македонската владина делегација која учествува на меѓународен саем за храна, вино и туризам „Винска визија на Отворен Балкан“ што се одржува во Белград.
Оваа година, истакнува Николовски, земјава се претставува со двојно повеќе изложувачи, вкупно 74 македонски винарии и дестилерии кои го промовираат својот потенцијал.
-Позитивни зборови за нашето вино добивме и од амбасадорот на САД во Србија, Кристофер Хил. Заедно со чаша убаво македонско вино наздравивме за успешна промоција на нашето вино на вториот меѓународен Саем за храна, вино и туризам „Винска визија на Отворен Балкан“, напиша министерот. мч/лв/
фото: ФБ на министрите Љупчо Николовски и Благој Бочварски