Николовски: Зелената транзиција меѓу клучните приоритети на МЗШВ
- Зелената транзиција е еден од клучните приоритети на Министерството за земјоделство шумарство и водостопанство (МЗШВ), покрај другите реформи кои ги спроведуваме и верувам дека заеднички со о
![Николовски: Зелената транзиција меѓу клучните приоритети на МЗШВ](https://new.mia.mk/index.php/images/20221128072019_big_730x400_55.webp )
Скопје, 27 ноември 2022 (МИА) - Зелената транзиција е еден од клучните приоритети на Министерството за земјоделство шумарство и водостопанство (МЗШВ), покрај другите реформи кои ги спроведуваме и верувам дека заеднички со одговорните компании и институциите ќе придонесеме да ја менуваме свеста, да се однесуваме одговорно и да имаме што повеќе и подобри вакви успешни примери, изјави ресорниот министер Љупчо Николовски при денешната акција за пошумување под мотото „Пошумуваме заедно за позелено утре” во скопско Миладиновци.
Акцијата е организирана од компанијата „ДМ Дрогерие Маркт“, со поддршка од Национални шуми, Министерството за земјоделство, шумарство и водостопанство и Факултетот за шумарски науки, пејзажна архитектура и екоинженеринг „Ханс Ем“. Преку 300 луѓе се приклучија на акцијата, а на 10 хектари во Миладиновци се засадија преку 27 илјади садници.
Министерот Николовски најави дека следната година ќе го дуплираат буџетот, ќе ја зголемат Програмата за проширена репродукција и верува оти ќе ги мотивираат сите субјекти на ваков одговорен пристап.
- МЗШВ и институциите максимално се посветени и даваат целокупна поддршка на целиoт овој процес. Денеска асистираме со „Национални шуми“ во целата оваа убава акција меѓутоа и преку нашите програми засилено работиме на што повеќе површини хектари да бидат пошумени и онака како што треба, професионално и стручно. Затоа овие денови бевме во Петровец, во Велес, поголеми акции преку Програмата за проширена репродукција на МЗШВ заедно со „Национални шуми“. Продолжуваме на 3-ти следната сабота на 50 хектари во кривопаланечко и Ранковце, во Кочани, во скопско, рече министерот Николовски. мс/рп/
![viber_image_2022-11-27_10-48-58-102](/articles/images/d0bdd0b8d0bad0bed0bbd0bed0b2d181d0bad0b8-d0b7d0b5d0bbd0b5d0bdd0b0d182d/tDIAGH2ZK/placeholder.webp?use_watermark=0)
![Љупчо Николовски акција за пошумување Миладиновци](/articles/images/d0bdd0b8d0bad0bed0bbd0bed0b2d181d0bad0b8-d0b7d0b5d0bbd0b5d0bdd0b0d182d/kjHL53y7B/placeholder.webp?use_watermark=0)