Не сакајќи си го откри неверството, па го дозна цела интернет-заедница
- Момчето се правдало дека таа му е девојка на другар му, но Сидни вели оти открила дека тој има уште најмалку пет други девојки.
![Не сакајќи си го откри неверството, па го дозна цела интернет-заедница](https://new.mia.mk/index.php/images/20221105012011_big_730x400_74.webp )
Лос Анџелес, 10 ноември 2020 (МИА) - Девојка од САД, сосем случајно откри дека момчето ја изневерува, па потоа, тоа го дозна и цела интернет-заедница.
Сидни Кинш тоа го осознала кога добила самослик од „фраерот“, каде што тој носи очила за сонце. На очилата јасно се гледа одраз на туѓи женски нозе дигнати и потпрени на прозорецот кај совозачкото седиште. Момчето се правдало дека таа му е девојка на другар му, но Сидни вели оти открила дека тој има уште најмалку пет други девојки.
Објавата на Тик-ток околу тоа доби два милиона прегледи и 200.000 допаѓања. Како што нагласуваат повеќе коментари, понекогаш, т.е. многу често, валканата тајна не останува тајна. си/сд/