Нејмар неизвесен за реваншот со Баерн
- Познато е приближното време на враќање на напаѓачот на ПСЖ, Нејмар по повредата.
![Нејмар неизвесен за реваншот со Баерн](https://new.mia.mk/index.php/images/20230219190942_big_730x400_15.webp )
Париз, 19 февруари 2023 (МИА) - Познато е приближното време на враќање на напаѓачот на ПСЖ, Нејмар по повредата.
Тренерот на парижаните, Кристоф Галтие соопшти дека Бразилецот најверојатно има истегнување на лигамент во склочниот зглоб. Според „Le Parisien“, во овој случај играчот ќе пропушти од една недела до три, што го доведува во прашање неговото учество на реваншот против Баерн во Лигата на шампионите на 8 март.
Исто така, се претпоставува дека Нејмар беше надвор од терените многу подолг период, бидејќи ова не е првпат да заработи ваква повреда.
Триесет и едногодишниот напаѓач оваа сезона забележа 20 настапи во Лига 1 и постигна 13 гола. зс/