Вашингтон, 8 април 2025 (МИА) - Израелскиот премиер Бенјамин Нетанјаху синоќа изјави дека Израел работи на нов договор за ослободување на заложниците кои ги држеше палестинскиот Хамас во Појасот Газа.

Во изјавата, дадена во Белата куќа во присуство на американскиот претседател Доналд Трамп, Нетанјаху рече: „Во моментов работиме на уште еден договор кој се надеваме дека ќе биде крунисан со успех. И ние сме решени да ги извадиме сите заложници“.

Нетанјаху, кој, меѓу другите теми, дојде во Вашингтон да разговара за новите царини од 17 отсто што САД му ги воведоа на Израел, му вети на Трамп дека Израел ќе ги елиминира своите царини и трговскиот суфицит на својата земја со САД.

-Ќе го елиминираме трговскиот дефицит на САД со Израел, рече Нетанјаху.

Тој е првиот странски лидер што беше примен од американски претседател откако ги објави новите царини што предизвикаа протести од земјите и паднаа акциите ширум светот.сд/

фото:МИА архива