Неколку деца меѓу повредените во нападот во Москва
- Деца се повредени во денешниот терористички напад во московската концертна сала, пренесе Би-Би-Си, повикувајќи се на руската новинска агенција Риа, која цитираше официјален претставник на Москва.
![Неколку деца меѓу повредените во нападот во Москва](https://new.mia.mk/index.php/images/20240322222340_big_730x400_97.webp )
Москва, 22 март 2024 (МИА) – Деца се повредени во денешниот терористички напад во московската концертна сала, пренесе Би-Би-Си, повикувајќи се на руската новинска агенција Риа, која цитираше официјален претставник на Москва.
Анонимен очевидец претходно изјави дека голем број деца и тинејџери настапувале на натпревар во сала за танцување кога почнало пукањето. Присуствувале и нивните родители.
- На натпреварот беа деца и тинејџери. Дојдоа луѓе и рекоа дека има пукање. Следеше метеж. Децата трчаа во нивната гардероба за настап, рекол очевидецот.
Најмалку 40 лица се убиени и 100 се повредени кога неидентификувани маскирани вооружени лица отворија оган во концертна сала во Крокус Сити Хол во Москва. јт/
Фото: ЕПА