Мадрид, 15 ноември 2024 (МИА) - Ендрик привлече големо внимание откако Реал Мадрид објави дека ќе го доведе во своите редови. Сезонава нема многу простор во тимот на Карло Анчелоти, па неговиот сонародник, Роналдо „Феноменот“ би сакал да го доведе во својот тим.

Имено, за Ендрик е заинтересиран Реал Ваљадолид, клубот во сопственост на легендарниот бразилски напаѓач.

И покрај неговото неискуство, Ендрик сака да игра повеќе веќе во првата сезона во Реал Мадрид. Младиот бразилски репрезентативец е фрустриран од недостигот на минутажа во првите три месеци од сезоната и расте можноста за позајмица во Ваљадолид.

Во досегашниот тек на сезоната во Ла Лига, Ендрик настапи на осум натпревари, но на тие средби собра само 55 минути. Влегуваше најмногу во самиот финиш на натпреварот и немаше многу можности да се истакне.

Од друга страна, Ваљадолид на 13 натпревари постигна само десет гола и им треба засилување во нападот.

Ендрик дојде во Реал Мадрид оваа сезона од Палмеирас во трансфер вреден 47,5 милиони евра. дс

Фото: Архива