Неготино избира најдобри вина и ракии во чест на празникот на лозарите и винарите ,,Свети Трифун"
- Неготино избира најдобри вина и ракии произведени од индивидуални производители во чест на празникот на лозарите и винарите „Свети Трифун", информираше попладнево неготинскиот градоначалник Горан Стојанов.
![Неготино избира најдобри вина и ракии во чест на празникот на лозарите и винарите ,,Свети Трифун](https://new.mia.mk/index.php/images/20240126161847_big_730x400_57.webp )
Неготино, 26 јануари 2024 (МИА) - Неготино избира најдобри вина и ракии произведени од индивидуални производители во чест на празникот на лозарите и винарите „Свети Трифун", информираше попладнево неготинскиот градоначалник Горан Стојанов.
- Во чест на верскиот празник „Свети Трифун" кој се смета за заштитник на лозарите и кога симболично започнува закројувањето на лозјата, Општина Неготино ќе избира најдобри вина и ракии од индивидуални производители. Дегустацијата и изборот на најквалитетните вина и ракии ќе ги врши стручна комисија составена од енолози од Здружението на енолози, а локалната самоуправа Неготино за најдобрите ќе обезбеди пригодни награди, соопшти Стојанов.
Сите заинтересирани производители на вина и ракии треба да достават по две мостри од бели и црвени вина и ракии од реколтата 2023 година. свд/дма/
Фото : МИА архива