Невладината „Тернипе МК“ од Делчево одбележа 40 години постоење
- На пригодна свеченост организирана согласно протоколите за заштита од Ковид-19, невладината организација „Тернипе МК“ од Делчево одбележа 40 години од своето постоење.
![Невладината „Тернипе МК“ од Делчево одбележа 40 години постоење](https://new.mia.mk/index.php/images/20221104221700_big_730x400_84.webp )
Делчево, 10 октомври 2020 (МИА) - На пригодна свеченост организирана согласно протоколите за заштита од Ковид-19, невладината организација „Тернипе МК“ од Делчево одбележа 40 години од своето постоење. Организацијата е основана во далечната 1980 година, со главна цел како што рече претседателката Ермина Реџепова за остварување на поширок заеднички интерес со посебни цели и задачи.
-Меѓу тие цели е едукативната работа со возрасни, млади и деца, организирање на различни активности за зачувување на културата, традицијата, уметноста, фолклорот и јазикот на секој етникум како и потикнување и унапредување на образованието кај младите Роми, рече Реџепова.
![Јубилеј](/articles/images/nevladinata-ternipe-mk-od-delchevo-odbelezha-40-godini-postoe-e/25aO9SgRA/placeholder.webp?use_watermark=0)
Како една од најважните цели на организацијата како што додаде претседателката на организацијата е заштитата и унапредување на културното и традиционалното наследство на секој етникум
-Тука ќе ги споменам обичаите, културата, јазикот како и националните обележја. Во таа насока, а во рамки на Ромскиот културен и едукативен центар, работи Културно-уметничкото друштво „Тернипе МК“, друштво кое со своите членови кои продефилирале во ансамблот ја презентираат и пренесуваат ромската култура преку песни, танци и обичаи во Македонија и надвор од неа, додаде Реџепова.
![тернипе јубилеј](/articles/images/nevladinata-ternipe-mk-od-delchevo-odbelezha-40-godini-postoe-e/f2qqPSX3b/placeholder.webp?use_watermark=0)
Четириесет годишниот јубилеј Тернипе МК го одбележи со свечена академија, на која беа доделени благодарници и признанија на институции, здруженија и поединци кои со своите дела, дале несебичен придонес за развој на делчевската невладина организација. вс/вг/