Небензја: Нема сомнеж за вмешаноста на САД во нападот на Севастопол
- Нема сомневање дека САД директно се вмешани во смртоносниот терористички напад што Украина го изврши врз Севастопол, изјави рускиот амбасадор во ОН Василиј Небензја.
![Небензја: Нема сомнеж за вмешаноста на САД во нападот на Севастопол](https://new.mia.mk/index.php/images/20240625082420_big_730x400_85.webp )
Москва, 25 јуни 2024 (МИА) - Нема сомневање дека САД директно се вмешани во смртоносниот терористички напад што Украина го изврши врз Севастопол, изјави рускиот амбасадор во ОН Василиј Небензја.
„Фактот дека САД се директно вмешани во ова злосторство е надвор од секакво сомневање“, изјави Небензја на новинарите во ОН, пренесува РИА Новости.
Тој изјави дека Вашингтон и неговите сојузници го охрабруваат Киев да изврши терористички напади врз цивили.
Рускиот дипломат најави дека овој „терористички напад на украинската армија ќе биде една од темите на разговор на седницата на Советот за безбедност на ОН во јули“.
„Досегашната реакција на ОН на терористичкиот напад на Украина во Севастопол говори за нивните двојни стандарди“, убеден е Небензја. рп/
Фото: МИА архива