На 99 години го победи Ковид-19, па им се врати на видеоигрите
- Жената почувствувала слабост по 99-от роденден, на 16 септември. Сепак, таа имала само благи симптоми и оздравела бргу, со помош на нејзиното семејство, пријателите и негувателката Олга Арауз
![На 99 години го победи Ковид-19, па им се врати на видеоигрите](https://new.mia.mk/index.php/images/20221104230752_big_730x400_93.webp )
Мадрид, 22 октомври 2020 (МИА) - Кога 99-годишната Шпанка, Флорентина Мартин се инфицира со новиот коронавирус во септември, нејзината внука не се плашела дека болеста може да ја убие.
- Многу се плашев дека осаменоста ќе ја докрајчи пред вирусот, бидејќи се плашеше дека ќе остане сама, особено во болницата, вели Ноелија Вале.
Нејзината баба почувствувала слабост кусо по 99-от роденден, на 16 септември. Сепак, таа имала само благи симптоми и оздравела бргу, со помош на нејзиното семејство, пријателите и негувателката Олга Арауз.
Сега таа се чувствува добро и може повторно да ги гледа своите омилени емисии и да игра видеоигри на својот таблет.
Со над милион случаи, Шпанија има најголем број заразени луѓе со коронавирусот во Западна Европа. Повеќе од 34.000 луѓе починаа од Ковид-19 во земјата, повеќето од нив на над 80-годишна возраст. си/ми/