На протестите во Франција околу 740.000 луѓе
- На денешниот десетти протест против пензиската реформа ширум Франција учествуваа 740.000 луѓе, а во Париз 93.000, соопшти полицијата.
![На протестите во Франција околу 740.000 луѓе](https://new.mia.mk/index.php/images/20230328203135_big_730x400_15.webp )
Париз, 28 март 2023 (МИА) - На денешниот десетти протест против пензиската реформа ширум Франција учествуваа 740.000 луѓе, а во Париз 93.000, соопшти полицијата.
Како што наведуваат странските агенции, протестите се во многу тензична атмосфера, во време на стагнација на дијалогот меѓу власта и синдикатите, а насилство имаше и попладнево во Париз.
Синдикатот ЦГТ соопшти дека денеска во Париз имало 450.000 демонстранти, а повеќе од два милиона во цела Франција.
Ова е помалку од протестот на 23 март, кога според полицијата низ земјава протестирале 1,08 милиони луѓе, а според синдикатот дури 3,5 милиони. Само тој ден во Париз, според полицијата, имало 119.000 демонстранти, а според синдикатот имало 800.000.
Полицијата соопшти дека привела 22 лица и ги растерала демонстрантите кои го палеле ѓубрето насобрано поради повеќенеделниот штрајк на вработените во градското чистење.
Денеска имаше протести низ цела Франција: во Бордо, Нант, Рен, Марсеј, Тулуз, Брест, Стразбур и Ница. паг/
Фото: ЕПА