На поранешниот директор на тајната служба на БиХ му е забранет влез во Хрватска
- На Осман Мехмедагиќ Осмица, поранешниот директор на Службата за разузнавање и безбедност на БиХ (ОБА), му е забранет влез во Хрватска, објави сараевски „Аваз“.
![На поранешниот директор на тајната служба на БиХ му е забранет влез во Хрватска](https://new.mia.mk/index.php/images/20240704135006_big_730x400_72.webp )
Сараево, 4 јули 2024 (МИА) - На Осман Мехмедагиќ Осмица, поранешниот директор на Службата за разузнавање и безбедност на БиХ (ОБА), му е забранет влез во Хрватска, објави сараевски „Аваз“.
Мехмедагиќ вчера бил вратен од хрватската граница со образложение дека му е забранет влез во Хрватска.
Тој и суспендираниот претседател на Судот на Босна и Херцеговина Ранко Дебевец беа уапсени во декември минатата година под сомнение за злоупотреба на положбата и фалсификување службени документи.
Тие поминаа речиси три месеци во притвор. Мехмедагиќ имаше и забрана за патување, што важеше до средината на мај. паг/
Фото: МИА архива