Скопје, 12 октомври 2022 (МИА) - Вчера попладне околу 17.35 часот на улица „Ленин“ во Тетово, полицијата со судска наредба, го привела 49-годишниот тетовец Н.А. за издржување затворска казна. Како што информираат од МВР, истиот ден вечерта околу 21.00 часот на улица „Гоце Делчев“ во Гостивар, гостиварската полиција со судска наредба, го привела гостиварецот Б.Б. за издржување затворска казна. Двете лица биле спроведени во Казнено-поправната установа „Затвор Тетово“ за издржување на казните. сст/сп/