На Малта регистриран прв случај на заболен со мајмунски сипаници
- Маж на возраст од 38 години, кој неодамна престојувал во една од земјите погодени од епидемијата на мајмунски сипаници, е во домашна изолација со благи симптоми.
![На Малта регистриран прв случај на заболен со мајмунски сипаници](https://new.mia.mk/index.php/images/20221113144019_big_730x400_18.webp )
Ла Валета, 28 мај 2022 (МИА) - Министерството за здравство на Малта денеска соопшти дека во таа земја е забележан првиот случај на мајмунски сипаници. Маж на возраст од 38 години, кој неодамна престојувал во една од земјите погодени од епидемијата на мајмунски сипаници, е во домашна изолација со благи симптоми. Малтешките здравствени власти ги повикуваат граѓаните да одржуваат добра хигиена.
Оваа недела, министерот за здравство на Малта, Крис Ферн, рече дека тие сипаници не се „уште еден ковид“ и истакна дека властите се добро подготвени да се справат во случај на избувнување епидемија. зш/