Најмалку 25 лица, главно деца, убиени во израелски напади врз училишта во Газа
- Најмалку 25 Палестинци загинаа, а десетици се повредени во израелски воздушни напади врз две училишта во Газа, пренесе Анадолија, повикувајќи се на медицински извори. Нападите ги погодија училиштата Хасан Салама и Ал-Наср западно од градот Газа.
![Најмалку 25 лица, главно деца, убиени во израелски напади врз училишта во Газа](https://new.mia.mk/index.php/images/20240804193015_big_730x400_44.webp )
Газа, 4 август 2024 (МИА) - Најмалку 25 Палестинци загинаа, а десетици се повредени во израелски воздушни напади врз две училишта во Газа, пренесе Анадолија, повикувајќи се на медицински извори. Нападите ги погодија училиштата Хасан Салама и Ал-Наср западно од градот Газа.
Околу 80 проценти од жртвите се деца, изјави портпаролот на Цивилната заштита, Махмуд Басал, кој ги опиша сцените во двете бомбардирани училишта како „трагични“. Во градот Газа повеќе нема безбедно место, а окупацијата не почитува никакви светилишта, додаде тој.
Вчера, најмалку 16 лица загинаа при израелски напад врз училиште во населбата Шеик Радван во градот Газа. ссм/
фото: архива/илустрација