Најмалку 229 загинати во свлечиштата во Етиопија
- Бројот на загинати во двете свлечишта во јужна Етиопија се искачи на 229 и може дополнително да се зголеми бидејќи потрагата по преживеани и жртви продолжува втор ден, соопштија денеска владини претставници.
![Најмалку 229 загинати во свлечиштата во Етиопија](https://new.mia.mk/index.php/images/20240723210932_big_730x400_52.webp )
Адис Абеба, 23 јули 2024 (МИА) – Бројот на загинати во двете свлечишта во јужна Етиопија се искачи на 229 и може дополнително да се зголеми бидејќи потрагата по преживеани и жртви продолжува втор ден, соопштија денеска владини претставници.
Свлечиште затрупа луѓе во зоната Гофа во регионот на Јужна Етиопија во неделата во текот на ноќта, а потоа второ лизгање на земјиштето во понеделникот наутро ги зафати оние кои се собраа да помогнат.
- Не знам кога ќе престане. Сè уште извлекуваме тела, изјави Маркос Мелесе, шеф на Националната агенција за управување со катастрофи во зоната Гофа.
- Сè уште копаме, додаде тој.
Во Етиопија свлечиштата се вообичаена појава за време на сезоната на дождови, што годинава почна во јули и се очекува да трае до средината на септември. јт/
Фото: МИА архива