Најмалку 20 Рохинџи починале плутајќи два месеци на море
- Најмалку 20 лица, припадници на заедницата Рохинџи, починале на еден брод со околу 400 гладни луѓе, соопшти крајбрежната стража на Бангладеш.
![Најмалку 20 Рохинџи починале плутајќи два месеци на море](https://new.mia.mk/index.php/images/20221103022728_big_730x400_39.webp )
Дака, 16 април 2020 (МИА) - Најмалку 20 лица, припадници на заедницата Рохинџи, починале на еден брод со околу 400 гладни луѓе, соопшти крајбрежната стража на Бангладеш.
Бродот бил спасен вчера, откако не успеал да стигне до Малезија поради што плутал со недели.
- Тие биле на море околу два месеци и умирале од глад, изјави припадник на крајбрежната стража.
Тој додаде дека е донесена „конечна одлука“ 382 луѓе од бродот да се испратат во соседен Мјанмар, од каде потекнуваат Рохинџите. јт/