Најмалку шест лица загинаа, а пет се водат како исчезнати по налетот на ураганот Берил врз Карибите
- Три лица загинаа во Гренада, едно во Сент Винсент и Гренадини, додека двајца загинаа во северна Венецуела, каде пет лица се водат како исчезнати, соопштија официјални лица.
![Најмалку шест лица загинаа, а пет се водат како исчезнати по налетот на ураганот Берил врз Карибите](https://new.mia.mk/index.php/images/20240703073533_big_730x400_51.webp )
Сент Џорџ, 3 јули 2024 (МИА) - Најмалку шест лица загинаа, а пет се водат како исчезнати откако ураганот Берил го погоди југоисточниот дел на Карибите и почна да се движи кон Јамајка.
Три лица загинаа во Гренада, едно во Сент Винсент и Гренадини, додека двајца загинаа во северна Венецуела, каде пет лица се водат како исчезнати, соопштија официјални лица.
Во сила е предупредувањето за ураган за Јамајка, како и Кајманските Острови - Гранд Кајман, Малиот Кајман и Кајман Брач.
Берил е ослабен, но се прогнозира дека се уште ќе биде со јачина на ураган кога денеска ќе треба да помине близу или над Јамајка, утре во близина на Кајманските острови и во петок над мексиканскиот полуостров Јукатан, соопшти американскиот Национален центар за урагани.сд/
фото:ЕПА