Најмалку седум мртви во пожар во ноќен клуб во шпанскиот град Мурсија
- Пожарот избувнал во популарниот ноќен клуб Театре, лоциран во областа Аталајас, околу 6 часот утрово по локално време. Властите велат дека бројот на жртвите може да се зголеми.
![Најмалку седум мртви во пожар во ноќен клуб во шпанскиот град Мурсија](https://new.mia.mk/index.php/images/20231001124913_big_730x400_29.webp )
Мурсија, 1 октомври 2023 (МИА) - Најмалку седум лица загинаа во пожар во ноќен клуб во југоисточниот град Мурсија, соопштија шпанските власти.
Пожарот избувнал во популарниот ноќен клуб Театре, лоциран во областа Аталајас, околу 6 часот утрово по локално време.
Властите велат дека бројот на жртвите може да се зголеми.
Брза помош и другите служби за итна помош трагаат по лица кои се сметаат за исчезнати и биле во просториите на клубот во моментот на пожарот.
Четворица се во болница поради вдишување чад.
Не е јасно што го предизвикало пожарот, што избувнал додека во клубот имало уште многу луѓе. сд/
фото: Скриншот Х