Најки патиките со потпис на Коби, се враќаат на пазарот
- Компанијата во јануари годинава, веднаш по неговата смрт, ги повлече патиките и другите реквизити со потписот на Брајант, заради спречување незаконско размножување на самата линија производи.
![Најки патиките со потпис на Коби, се враќаат на пазарот](https://new.mia.mk/index.php/images/20221103201100_big_730x400_26.webp )
Лос Анџелес, 8 мај 2020 (МИА) - Патиките на Најки со потписот на Коби Брајант се враќаат на светскиот пазар следната 2021 година, и тоа, како што говорат гласините - со надградена технологија.
Компанијата во јануари годинава, веднаш по неговата смрт, ги повлече патиките и другите реквизити со потписот на Брајант, заради спречување незаконско размножување на самата линија производи. Повлекувањето беше најавено како привремена мерка, поради преосмислување на натамошната маркетинг-стратегија на брендот.
Патиките на Брајант се меѓу најпопуларните на Најки, а особено се претпочитани меѓу кошаркарите на НБА.
Легендарниот кошаркар активно учествувал во самото дизајнирање на патиките со негов потпис од 2010 година, кога тој првпат ги претстави како дел од Лос Анџелес лејкерс во натпревар против неговиот Најки „соперник“ Леброн Џејмс и неговите Мајами хит.
Оригиналниот дизајн во зелени нијанси, на пазарот за препродажба достигнува понуди од 1.500 до 3.600 долари. си/
![Коби Брајант Најки патики](/articles/images/na-ki-patikite-so-potpis-na-kobi-se-vra-aat-na-pazarot/eci3kchpC/placeholder.webp?use_watermark=0)