Сончево со мала облачност и ветер
- Синоптичарите за денеска најавуваат сончево со мала локална облачност.
![Сончево со мала облачност и ветер](https://new.mia.mk/index.php/images/20240214164902_big_730x400_49.webp )
Скопје, 15 февруари 2024 (МИА) - Синоптичарите за денеска најавуваат сончево време со мала локална облачност. Ќе дува слаб до умерен, а долж Повардарието повремено засилен ветер од северен правец. Минималната температура ќе биде во интервал од-5 до 5, а максималната ќе достигне од 8 до 16 степени.
Во Скопје сончево со мала облачност. Ќе дува умерен, повремено засилен северен ветер. Минималната температура ќе се спушти до-1, а максималната ќе достигне 13 степени.
За наредните денови од УХМР прогнозираат дека до сабота времето ќе биде претежно сончево на повеќе места со негативни утрински температури. Зголемена облачност ќе има од недела, а од почетокот на следната седмица се очекуваат локални врнежи од дожд. ир/са/
Фото: МИА архива