Скопје, 3 април 2025 (МИА) - Во Собранието денеска седници ќе одржат комисиите за култура и туризам, за социјална политика, демографија и млади. 

На дневен ред на Комисијата за култура и туризам е Предлог на закон за изменување и дополнување на Законот за авторското право и сродните права - прво читање. 

Членовите на Комисијата за социјална политика, демографија и млади ќе расправаат за амандамните поднесени за Предлог на закон за изменување и дополнување на Законот за заштита на децата, по скратена постапка. 

На веб страната на Собранието е објавено дека за законот се поднесени девет амандмани од опозициските пратеници. ев/лв/

ФОТО: Архива