Посебен режим на сообраќај во центарот на Скопје
- Поради одржување на ревијална трка на велосипеди, ролерки, тротинети, детска трка, како и трка на родители со бебешки колички, насловена како „Вози право, вози здраво“ денеска од 11:00 до 12:00 часот во центарот на Скопје ќе има посебен режим на сообраќај по сообраќајниците каде ќе се движат учесниците на трката.
![Посебен режим на сообраќај во центарот на Скопје](https://new.mia.mk/index.php/images/20240601171007_big_730x400_19.webp )
Скопје, 2 јуни 2024 (МИА) - Поради одржување на ревијална трка на велосипеди, ролерки, тротинети, детска трка, како и трка на родители со бебешки колички, насловена како „Вози право, вози здраво“ денеска од 11:00 до 12:00 часот во центарот на Скопје ќе има посебен режим на сообраќај по сообраќајниците каде ќе се движат учесниците на трката.
Како што информираат од МВР, стартната позиција на трката е од Порта Македонија, десно вдолж улицата „Димитрие Чупоски“, десно по улицата „Васил Главинов“, право по булеварот „ВМРО“, лево по булеварот „Илинден“ до крстосницата со улицата „Наум Наумовски Борче“– Градски парк, кај споменикот на Гоце Делчев.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот. вј/ев/
Фото: МИА архива