Министерот Николовски на регионалната конференција „Grow up“ во Копаоник
- Министерот за земјоделство, шумарство и водостопанство Љупчо Николовски учествува на регионалната конференција „Grow up“ што се одржува во Копаоник, Република Србија.
![Министерот Николовски на регионалната конференција „Grow up“ во Копаоник](https://new.mia.mk/index.php/images/20230531173027_big_730x400_99.webp )
Скопје, 1 јуни 2023 (МИА) - Министерот за земјоделство, шумарство и водостопанство Љупчо Николовски учествува на регионалната конференција „Grow up“ што вчера и денеска се одржува во Копаоник, Република Србија.
Конференцијата е во рамки на иницијативата Отворен Балкан, а Николовски и министерката за земјоделство на Република Србија, Јелена Танасковиќ ќе имаат обраќања на тема „Регионална поврзаност како можност за развој".
-Ќе разговараме, разменуваме мислења и идеи. Само заедно и сплотени ќе ги постигнеме нашите цели и интереси за прогрес и развој на нашите земји, најави Николовски на својот фејсбук профил. мч/са/
фото: МИА архива