Скопје, 8 октомври 2024 (МИА) - Во галеријата Остен вечер ќе биде отворена изложбата „Селектирани - дел 1“, каде ќе бидат претставени делата на дел од селектираните уметници на ОСТЕН Биенале Скопје 2024.

Како што е најавено, посетителите ќе имаат можност да видат дела од уметници од неколку држави. Ќе бидат прикажани дела на Јелена Крстиќ од Канада, Марија Трилиду од Кипар, Мерја Јлитало од Финска, Јеонсу Лим од Германија, Александро Бугарини и Франческо Спалина од Италија, Жељка Јовичевиќ од Црна Гора, како и од нашите уметници Марија Чепишева и Славица Танеска.

Посебни гости, претставени со по едно дело, се пријателите на ОСТЕН, наградувани уметници во претходните изданија на ОСТЕН Биеналето. Станува збор за Антигони Кавата од Грција, Ана Монтанаро од Италија, Кенрио Хара од Јапонија, како и Емилија и Стојче Тоцоновски од Македонија.

Сите изложени дела се дел од колекцијата на ОСТЕН.бт/ев/

Фото: ОСТЕН Биенале