Балетската претстава „Жизел“ во Националната опера и балет
- Романтичниот балет во два чина „Жизел“ ќе биде изведен на сцената на Националната опера и балет вечер и на 2-ри март со почеток во 20:00 часот.
![Балетската претстава „Жизел“ во Националната опера и балет](https://new.mia.mk/index.php/images/20230227174525_big_730x400_60.webp )
Скопје, 28 февруари 2023 (МИА) - Романтичниот балет во два чина „Жизел“ ќе биде изведен на сцената на Националната опера и балет вечер и на 2-ри март со почеток во 20:00 часот.
Магичната и безвременска приказна за несреќната љубов, преточена во музиката на францускиот композитор Адолф Адам, а во кореографија на Жан Корали, Жил Перо, Мариус Петипа, Леонид Лавровски. Адаптацијата на кореографијата е на Ирена Пасариќ од Хрватска. Диригент на претставите е Иван Еминовиќ. Костимографијата е на Александар Ношпал, сценографијата на Александар Ношпал и Михајло Стојановски, светло дизајн: Милчо Александров.
Вечер во главните улоги ќе настапат Марија Кичевска Шокаровска, Франциско Хименез Руиз (Шпанија), Ивана Коцевска, Игор Веланоски, а на 2 март во главните улоги ќе настапат: Мими Поп Алексова Атанасовска, Франциско Хименез Руиз (Шпанија), Илијана Данилов, Бобан Ковачевски.
Настапуваат солисти, балетскиот ансамбл и оркестарот на Националната опера и балет. дма/
Фото: Национална опера и балет