Македонскиот камерен оркестар „Профундис“ ќе го затвори престижниот фестивал на класична музика „Раванелиус“ во Србија
- Македонскиот камерен оркестар Профундис денеска ќе настапи на затворањето на еден од најпрестижните фестивали за класична музика во регионот – „Раванелиус“ во Ќуприја, Србија.
![Македонскиот камерен оркестар „Профундис“ ќе го затвори престижниот фестивал на класична музика „Раванелиус“ во Србија](https://new.mia.mk/index.php/images/20230707163904_big_730x400_79.webp )
Скопје, 8 јули 2023 (МИА) - Македонскиот камерен оркестар Профундис денеска ќе настапи на затворањето на еден од најпрестижните фестивали за класична музика во регионот – „Раванелиус“ во Ќуприја, Србија.
Камерниот оркестар Профундис е единствениот македонски претставник на овој фестивал. На сцената со Профундис ќе настапи како солист српскиот кларинетист Огњен Поповиќ.
- Ова е само еден од настапите кои уште еднаш го потврдуваат трудот, вредната посветеност и љубов која ја посветуваме во нашето творење и навистина со голема чест ја прифативме поканата на организаторите да настапуваме на затворањето на фестивалот на музички извонредности – Раванелиус и да ја делиме сцената заедно со најпознатиот српски кларинетист Огњен Поповиќ, изјави Ѓурѓица Дашиќ, уметнички раководител и диригент на „Профундис“.
Инаку, Фестивалот „Раванелиус“ во своето четиригодишно постоење, се закити со престижното признание „Музика класика“ за најдобар регионален фестивал во регионот и беше домаќин на преку 150 изведувачи со преку 4.000 посетители. ир/ев/
Фото: „Профундис“