Научници постигнаа енергетска добивка со помош на нуклеарна фузија
- Тие успешно го повторија експериментот на 30 јули, кога беше произведено поголема количина енергија отколку кога истиот експеримент беше изведен во декември лани.
![Научници постигнаа енергетска добивка со помош на нуклеарна фузија](https://new.mia.mk/index.php/images/20230807104952_big_730x400_50.webp )
Лос Анџелес, 7 август 2023 (МИА) - Научници од САД постигнаа нето-енергетска добивка во реакцијата на фузија вторпат од декември минатата година, пишува „Фајненшал тајмс“.
Истражувачите од Федералната национална лабораторија „Лоренс Ливермор“ во Калифорнија успешно го повторија експериментот на 30 јули, кога беше произведено поголема количина енергија отколку кога истиот експеримент беше изведен во декември лани. Од лабораторијата потврдија дека енергетската добивка повторно е постигната во ласерската постројка и дека анализата на резултатите е во тек.
Во истата лабораторија, во декември 2022 година, со помош на ласер е извршена нуклеарна фузија, односно спојување на два атома во еден, при што се ослободува голема количина на енергија. си/
Фото: Пиксабеј.