Народната банка објавува повик за пријавување трудови за 46. сесија на Клубот на истражувачите
- Народната банка објавува повик за пријавување трудови за 46. сесија на Клубот на истражувачите, којашто ќе се одржи на 30 март годинава, со почеток во 14:00 часот, во просториите на Банката. Заинтересираните истражувачи може да се пријават со доставување на материјалот на е-адресата: info@nbrm.mk, најдоцна до 21 март 2023 година.
![Народната банка објавува повик за пријавување трудови за 46. сесија на Клубот на истражувачите](https://new.mia.mk/index.php/images/20230304101432_big_730x400_76.webp )
Скопје, 4 март 2023 (МИА) - Народната банка објавува повик за пријавување трудови за 46. сесија на Клубот на истражувачите, којашто ќе се одржи на 30 март годинава, со почеток во 14:00 часот, во просториите на Банката. Заинтересираните истражувачи може да се пријават со доставување на материјалот на е-адресата: info@nbrm.mk, најдоцна до 21 март 2023 година.
Како што информираат од Народната банка, трудовите треба да бидат изработени согласно со трендовите и стандардите на современите истражувања, што подразбира емпириска анализа, како и систематизирани заклучоци од истражувањето.
На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија.
Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата. Зачленувањето во Клубот на истражувачите е од отворен карактер. сст/дма/
Фото: Народна банка