Скопје, 28 септември 2022 (МИА) - Град Скопје соопшти дека денеска се назначени новите в.д. директори на јавните претпријатија. -Со ЈП Лајка назначена е да раководи Радмила Пешева, додека со ЈП Улици и патишта Саид Саид. На в.д директорската позиција во ЈП Паркинг назначен е Крсте Петревски, во ЈП Паркови и зеленила Реџепи Зухејр, додека со ЈП Дрисла назначен е Александар Кузинаков. Во ЈП Комунална Хигиена продолжуваат со раководство Косана Мазнева, ЈСП Александар Стојковски и ЈП Водовод Марјан Митевски, наведува Градот. Новите в.д. директори ќе имаат обврска и одговорност во следните шест месеци да ги спроведат неопходните реформи со цел консолидација на јавните претпријатија од аспект на справување со економската и енергетската криза. -Обврските се во насока на оптимизација на средствата и процесите, намалување на трошоците и кратење на сите непродуктивни трошења, како и спроведување на реформата во сегментот на вработувања во претпријатијата со која нема да се дозволи лица кои не одат на работа или не ги извршуваат работните обврски да бидат платени од буџетските средства, наведува Град Скопје. мч/дма/   Со почит, Град Скопје