Над 2000 балерини на Европското првенство во џез, модерен и класичен балет во Скопје
- Над 2000 балерини од 23 земји беа дел од Европското првенство во џез, модерен и класичен балет, што се одржа во СЦ „Јане Сандански“ од осми до 11 септември 2022 година.
![Над 2000 балерини на Европското првенство во џез, модерен и класичен балет во Скопје](https://new.mia.mk/index.php/images/20221113220702_big_730x400_50.webp )
Скопје, 13 септември 2022 (МИА) - Над 2000 балерини од 23 земји беа дел од Европското првенство во џез, модерен и класичен балет, што се одржа во СЦ „Јане Сандански“ од осми до 11 септември 2022 година.
Организатори на првенството се танцовите клубови Студио „Брејк а лег“ и „Ит да бит“ од Скопје. Покрај балерните, кои имаа можност да ги презентираат и гледаат врвни кореографии, имаше и околу 5000 гости од странство.
-Да се организира ваков настан бара многу ангажман и огромен тим бидејки натпреварот се одвиваше во две сали истовремено, додека последниот натпреварувачки ден беше во три сали симултано и се функционираше перфектно. Овој натпревар е рекорден по број на учесници, односно речиси двојно од последното европско во Прага, што е показател дека Северна Македонија е популарна дестинација за странците, а ние одлични домаќини, изјави Трајче Петковски, организатор на Европското првенство.
Следни големи танцови манифестации во земјава ќе бидат Европско првенство во хип-хоп и Светското првенство во латино во 2023 година. мд/са/
![балет](/articles/images/%d0%bd%d0%b0%d0%b4-2000-%d0%b1%d0%b0%d0%bb%d0%b5%d1%80%d0%b8%d0%bd%d0%/TYs934t2H/placeholder.webp?use_watermark=0)