Над половина Французи се здебелиле за време на пандемијата
- Француските граѓани имаат во просек 2,5 килограми поголема маса. Тоа, поради недостиг на движење, но и поради „постојаното грицкање“ седејќи дома.
![Над половина Французи се здебелиле за време на пандемијата](https://new.mia.mk/index.php/images/20221103200315_big_730x400_78.webp )
Париз, 7 мај 2020 (МИА) - Дури 57 отсто Французите сега имаат повеќе килограми од почетокот на примените на мерките за спречување на ширењето на вирусот Ковид-19, на 17 март.
Испитувањето спроведено од институтот Ифоп за специјализираната интернет-страница „Дарвин нутришн“ посочува дека француските граѓани имаат во просек 2,5 килограми поголема маса. Тоа, поради недостиг на движење, но и поради „постојаното грицкање“ седејќи дома.
Како што се наведува, 56 отсто од мажите и 58 отсто жени имаат неколку килограми повеќе. Меѓу нив, се истакнуваат невработените, двојките и родителите со деца. си/