25 јули 2022 (МИА) 1712.- Војската на швајцарските протестантски кантони во битката кај Вилмерген ја победиле армијата на римокатоличките кантони, со што во Швајцарија завршиле верските војни. 1883.- Во Торино е роден Алфредо Казела, италијански композитор, пијанист, диригент и музички писател. Умрел во Рим, на 5 март 1947 година. 1834.- Умрел англискиот писател и мислител Семјуел Тејлор Колриџ, еден од најзначајните англиски литературни критичари. Дела: „Кристобел“, „Лирски балади“, критиките „Предавања“, „Biographia Literaria“. 1843.- Умрел шкотскиот хемичар Чарлс Мекинтош, пронаоѓач на непропустливата ткаенина наменета за дождовни покривки. 1878.- Првата кинеска дипломатска мисија во САД пристигнала во Вашингтон. 1894.- Роден е американскиот филмски актер Волтер Бренан. Добитник бил на повеќе oскари. Филмови: „Да се има и нема“, „Наредникот Јорк“, „Франкештајновата невеста“, „Фурија“, „Дојди и земи“, „Кентаки“, „Мојата драга Клементина“, „Црвена река“, „Рио Браво“. 1898.- Војската на САД во шпанско-американската војна го окупирала Порторико, кој дотогаш бил шпанска колонија. САД никогаш не му дале независност на Порторико, иако е на американска територија. Иако Куба и Филипини до оваа војна биле под шпанска колонија овие две земји се здобиле со независност.  1909.- Францускиот пилот Луј Блерио прв го прелетал со авион каналот Ла Манш. 1925.- Во Скопје е родена Невена Георгиева Дуња, млада македонска партизанка во НОВ. Кај селото Папрадиште, Велешко, велешкиот партизански одред „Димитар Влахов“ бил нападнат од бугарската полиција. Невена Георгиева на 6 декември 1942 година била смртно погодена. 1934.- Нацистички командоси ја нападнале владината палата во Виена, го убиле канцеларот Енглоберт Долфус и се обиделе да ја преземат власта во земјата. Меѓутоа, Мусолини, гневен што Хитлер го излажал со ветувањето дека нема да ја гиба Австрија, испратил четири дивизии на австриската граница, по што бил скршен нацистичкиот пуч. 1945.- Со одлука на Европската консултативна комисија, Германија во периодот до склучувањето на мировниот договор била поделена на четири зони: источна-советска, северозападна-британска, југозападна-американска и западна-француска. Таа поделба подоцна довела до формирање на двете германски држави. 1963.- Советскиот Сојуз, САД и Велика Британија склучиле договор за забрана на нуклеарните проби во воздух, под вода и во вселена. 1968.- Римскиот Папа Павле Шести на римокатолиците им забраниле секаков вештачки метод за спречување на бременост. 1984.- Советскиот космонаут Светлана Савитцкаја станала првата жена која стапнала на Месечината и првата жена во историјата на освојувањето на вселената која двапати била во нејзиното пространство. 1986.- Умрел американскиот филмски режисер од италијанско потекло Винсенте Минели, кој во 1958 година го добил Оскарот за филмот „Жижи“. Други филмови: „Мадам Бовари“, „Американецот во Париз“, „Чај и симпатија“, „Кисмет“, „Куќа на брод“, „Ѕвоната ѕвонат“, „Градот на илузиите“, „Некои дотрчаа“. 1991.- Советскиот претседател Михаил Горбачов изјавил дека не е реално градењето комунизам во Советскиот Сојуз и дека владејачаката Комунистичка партија мора да ги отфрли „застарените идеолошки догми“. 1997.- Сојузот на извидниците на Македонија бил примен во Светската скаутска организација, чие седиште е во Женева, Швајцарија. 2000.- Непосредно по полетувањето кон Њујорк, авионот „Конкорд“ на компанијата „Ер Франс“ паднал врз еден хотел близу Париз. Падот не го преживеал никој од 109-те патници и членови на екипажот, а загинале и пет луѓе на земјата. Тоа било прво уривање на британско-францускиот суперсоничен авион откако почнал да лета во 1969 година. 2003.- Легендарното Црешово топче, кое го користеле македонските востаници во времето на Илинденското востание во 1903 година, а се чувало во Воениот музеј во Истанбул (него, на 2 јули 1997 година го пронашол мајорот на Армијата на Република Македонија Ванче Стојчев, доктор по историски науки и професор на Воената академија „Михаило Апостолски“ во Скопје) било донесено во Република Македонија. Република Турција и го отстапила на Република Македонија на привремено (три месеци) чување по повод 100-годишнината од Илинденското востание. 2003.- Умрел британскиот филмски режисер Џон Шлезингер, кој се прославил со филмот „Полноќен каубој“ (Оскар), „Крвава недела“ и „Маратонец“. 2011.- Светски познатиот грчки режисер Михалис Какојанис, кој го создал филмското класично дело од 60-те години „Гркот Зорба“, со Ентони Квин во главната ролја, починал во Атина на 89-годишна возраст. Какојанис, кој бил роден на Кипар, бил награден со три „Оскари“ за странски филм, добивајќи ги статуетките за најдобар режисер, најдобра филмска адаптација и најдобар филм за адаптацијата на романот на Никос Казанѕакис - „Гркот Зорба“. ###