На граничниот премин „Табановце“ се чека околу еден час
- Интензитетот на сообраќај на патните правци надвор од градските средини е зголемен. На граничниот премин „Табановце“ се чека од 40 минути до еден час за влез и излез од државата. На останатит
![На граничниот премин „Табановце“ се чека околу еден час](https://new.mia.mk/index.php/images/20221113201154_big_730x400_85.webp )
Скопје, 17 август 2022 (МИА) - Интензитетот на сообраќај на патните правци надвор од градските средини е зголемен. На граничниот премин „Табановце“ се чека од 40 минути до еден час за влез и излез од државата. На останатите гранични премини, од македонска страна, нема подолги задржувања за влез и излез од државата.
-Од утре до 12 септември годинава на патниот правец Охрид - Ресен преку Галичица поради изведување градежни работи (асфалтирање) сообраќајот ќе биде во прекин помеѓу 09:00 и 15:00 часот. Работите ќе се изведуваат само во работни денови, информираат од АМСМ.
Сообраќајот на државните патишта се одвива непречено, по суви коловози.
Од АМСМ со препорака за прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. дма/