Нагасаки, 9 август 2024 (МИА) -  Нагасаки  денеска ја одбележа 79-годишнината од американското бомбардирање со атомска бомба врз градот во Втората светска војна, а градоначалникот Широ Сузуки на комеморацијата повика на укинување на нуклеарното оружје поради зголемената загриженост за негова можна употреба.

На овогодинешната комеморација, неколку амбасадори го откажаа своето учество откако градот во југозападна Јапонија одлучи да не ги покани претставниците на Израел на комеморацијата.

„Во услови на неизвесност кога ќе заврши руската инвазија на Украина и зголемената загриженост за ширењето на вооружените конфликти на Блискиот исток, во моментов се соочуваме со критична ситуација со зголемена веројатност за употреба на нуклеарно оружје“, рече Сузуки. паг/

Фото: ЕПА