Мустафа: Ќе треба долго време Косово да ја врати довербата на САД и ЕУ
- Поранешниот косовски премиер Иса Мустафа изјави денеска дека на Косово ќе му треба долго време за да ја врати довербата на Соединетите Американски Држави (САД) и Европската унија (ЕУ).
![Мустафа: Ќе треба долго време Косово да ја врати довербата на САД и ЕУ](https://new.mia.mk/index.php/images/20230808154300_big_730x400_72.webp )
Приштина, 8 август 2023 (МИА) - Поранешниот косовски премиер Иса Мустафа изјави денеска дека на Косово ќе му треба долго време за да ја врати довербата на Соединетите Американски Држави (САД) и Европската унија (ЕУ).
Мустафа за приштинските медиуми изјави дека е скептичен дали ќе се промени пристапот на ЕУ кон Косово по писмото на меѓународните политичари до САД, Велика Британија и Европската унија.
Тој посочи дека владата на Курти мора да го промени пристапот и да чека такво нешто да се случи со меѓународните сојузници.
„Косово би морало да го промени пристапот кон себе за да очекува другите да го сменат пристапот кон него. Оваа влада ги направи своите грешки, непочитувањето на меѓународните партнери и популизмот позабележителни и поосудени отколку политиката која предизвикува конфликти, нестабилност и политичко уништување на Србија. Србија заслужува да биде санкционирана“, рече Мустафа.
Според него, на Косово му треба долго време за да ја врати довербата што ја изгуби од САД и ЕУ.
„Се плашам дека на Косово ќе му треба долго време да ја врати довербата на САД и ЕУ. Оваа влада ќе ги прифати и исполни сите американски и европски барања, а Косово ќе биде полошо од пред доаѓањето на Албин (Курти) и Вјоса (Османи) на власт“, рече Мустафа.
Курти го оцени како премиер со популистичка политика и дека само така ќе остане запаметен.
„Сите знаеме дека популистичката политика обезбедува гласови во ситуации на криза на национална свест, но не не придвижува напред“, рече Мустафа, пренесе Косово онлајн. паг/
Фото: МИА архива