Московјани и денеска во долг ред пред гробот му одаваат почит на Навални
- Редот на гробиштата Борисово во југоисточниот дел на руската престолнина е долг неколку стотици метри. Сами или во помали групи Русите го посетуваат гробот каде Навални во петокот беше погребан, што е преполн со венци и цвеќиња. Француските медиуми пишуваат дека во споредба со изминатите два дена на гробиштата има помало присуство на полицијата.
![Московјани и денеска во долг ред пред гробот му одаваат почит на Навални](https://new.mia.mk/index.php/images/20240303181230_big_730x400_86.webp )
Москва, 3 март 2024 (МИА) - Гробот на Алексеј Навални во Москва и денеска беше покриен со цвеќе, а неговите сонародници сè уште доаѓаат да му оддадат почит.
Редот на гробиштата Борисово во југоисточниот дел на руската престолнина е долг неколку стотици метри. Сами или во помали групи Русите го посетуваат гробот каде Навални во петокот беше погребан, што е преполн со венци и цвеќиња.
Француските медиуми пишуваат дека во споредба со изминатите два дена на гробиштата има помало присуство на полицијата.
Освен заради „тага“, „болка“ или „лутина“, многу Московјани пристигнуваат на гробот за да му „покажат наклонетост и љубов“ на поранешниот жесток противник на Путин, кој почина пред две недели во казнената колонија Поларниот волк во Карпо, околу 1900 километри североисточно од Москва, каде отслужуваше 19-годишна затворска казна заради „екстремизам“.
Оддавањето почит на критичарот на Путин доаѓа само две недели пред претседателските избори (15-17 март), на кои се очекува да победи Владимир Путин. сд/
фото:ЕПА