Москва, 17 мај 2023 (МИА) - Москва ги повика Ереван и Баку да се воздржат од какви било дејствија што би можеле да доведат до ескалација на тензиите, изјави Марија Захарова.

-За жал, од 11 до 12 мај имаше прекршување на примирјето од двете страни на ерменско-азербејџанската граница, изјави портпаролката на руското Министерство за надворешни работи, пренесе Тасс.

„Ги повикуваме азербејџанската и ерменската страна да се воздржат од провокативни акции и ескалација на тензиите“, рече Захарова на брифинг со новинарите. 

-Ставот на Русија е дека сите спорови треба да се решаваат политички и дипломатски, додаде портпаролката на руското Министерство за надворешни работи. 

„Ние имаме намера да го олесниме тоа на секој можен начин, вклучително и за време на трилатералната средба на министрите за надворешни работи на Русија, Ерменија и Азербејџан закажана за 19 мај во Москва“, додаде Захарова.сд/