МИ 2022: Од Шпанија зависи судбината на македонските ракометари
- Македонската ракометна репрезентација вчеравечер ја победи Турција со 31:22 и ги зачува шансите за пласман во полуфиналето на Медитеранските игри во Алжир.
![МИ 2022: Од Шпанија зависи судбината на македонските ракометари](https://new.mia.mk/index.php/images/20221113171514_big_730x400_58.webp )
Оран, 2 јули 2022 (МИА) – Македонската ракометна репрезентација вчеравечер ја победи Турција со 31:22 и ги зачува шансите за пласман во полуфиналето на Медитеранските игри во Алжир.
Избраниците на селекторот Кирил Лазаров победата ја обезбедија со извонредна игра во второто полувреме во кое постигнаа 18, а примија 10 гола.
За пласман на Македонците во полуфиналето и можност да се дојде до медал, потребно е вечер Шпанија која е апсолутен фаворит во Б-групата, да го победи домаќинот Алжир.
Натпреварот кој одлучува за судбината на „црвено-жолтите“ е закажан за вечер во 20:15 часот.
Секој друг исход освен победа на Шпанија ќе значи трето место за македонската репрезентација и борба за пласман на петтата позиција на Игрите во Оран. зс/