Мицкоски положи цвеќе кај Смилковското Езеро, на местото на петкратното убиство
- Претседателот на ВМРО-ДПМНЕ Христијан Мицкоски, потпретседателот Владо Мисајловски, градоначалниците на Гази Баба и на Бутел Дарко Костовски и Бобан Стефковски и пратениците Жаклина Пешевска и Зоран Коцевски денеска положија цвеќе и запалија свеќи кај Смилковското Езеро.
![Мицкоски положи цвеќе кај Смилковското Езеро, на местото на петкратното убиство](https://new.mia.mk/index.php/images/20230412135819_big_730x400_51.webp )
Скопје, 12 април 2023 (МИА) - Претседателот на ВМРО-ДПМНЕ Христијан Мицкоски, потпретседателот Владо Мисајловски, градоначалниците на Гази Баба и на Бутел Дарко Костовски и Бобан Стефковски и пратениците Жаклина Пешевска и Зоран Коцевски денеска положија цвеќе и запалија свеќи кај Смилковското Езеро.
- Вечна им слава на Филип Славковски, Александар Накевски, Цветанчо Ацевски, Кире Тричковски и Борче Стевковски, убиени на Смилковското езеро! На денешен ден 2012 година на големиот христијански празник Велики Четврток на Смилковското езеро беа убиени Филип Славковски, Александар Накевски, Цветанчо Ацевски, Кире Тричковски и Борче Стевковски, напиша градоначалникот Стефковски на својот Фејсбук профил.
Градоначалникот Стефковски исто така напиша „Никогаш да не се повтори! Никогаш да не се заборави!“.
![Стефковски, Смилсковско Езеро](/articles/images/мицкоскиположицвеќекајсмилковскотоезеронаместотонапеткратнотоu0JPx/gCgQIagWu/placeholder.webp?use_watermark=0)
Општина Гази Баба заедно со иницијативниот одбор на местото на петкратното убиство изградија црква „Светите Четириесет Маченици - Младенци“ во спомен и помен на загинатите. мд/ац/
Фото: Фејсбук на градоначалникот Стефковски