Михајлов: По поразите мора да сте големи и да верувате во сѐ
- - Овој медал е сребрен, но, за мене е со златен сјај затоа што мислам дека јас лично покажав и докажав со тоа што го направив оваа година со Силекс. Некогаш натпреварите се губат, но, по пора
![Михајлов: По поразите мора да сте големи и да верувате во сѐ](https://new.mia.mk/index.php/images/20221113140709_big_730x400_64.webp )
Скопје, 21 мај 2022 (МИА) - Силекс не успеа да го одбрани трофејот во Купот на Македонија со вчерашниот пораз на пенали (4-3) од Македонија Ѓорче Петров.
Тренерот Горазд Михајлов изјави дека и покрај поразот е задоволен од изданието на клубот оваа сезона.
- Тактички одигравме високо ниво, ја имавме најзрелата шанса на мечот и не ја искористивме. Во секој случај, мораме да бидеме задоволни од она кое го направивме, изјави тој, упатувајќи честитки за Македонија ЃП.
Михајлов посочи дека е задоволен од играта која ја покажале.
- Овој медал е сребрен, но, за мене е со златен сјај затоа што мислам дека јас лично покажав и докажав со тоа што го направив оваа година со Силекс. Некогаш натпреварите се губат, но, по поразите мора да сте големи и да верувате во сѐ, рече тој. ар/лв/