Митева: СДС да кажат дали изведувачот на Универзална е фирма блиска до нивниот врв
- СООПШТЕНИЕ - Изгоре Универзална сала и како и за се до сега виновен е друг, можеби повторно виновен е кабелот, само не власта, вели Митева.
![Митева: СДС да кажат дали изведувачот на Универзална е фирма блиска до нивниот врв](https://new.mia.mk/index.php/images/20240410131915_big_730x400_18.webp )
Скопје, 10 април 2024
Изгоре Универзална сала и како и за се до сега виновен е друг, можеби повторно виновен е кабелот, само не власта. Нема одговорност за Ковачевски и Бисера Костадиновска. Нема ниту извинување до граѓаните.
Министерство за култура на чело со Бисера Костадиновска со години ја лаже јавноста за објектот на Универзална сала. Ветуваа дека ќе ја реконструираат, а објектот стои како руина 7 години.
Најалармантно е што СДС наместо да одговори на суштинските прашања крева прашина мислејќи дека ќе ги покрие трагите.
Ковачевски и Бисера Костадиновска мора да одговорат на следниве три прашања:
1. Која фирма е изведувач на градежните активности и дали истата е блиска со врвот на СДС?
2. Какви материјали се вградени во Универзална сала и дали тие се согласно сите стандарди? Или е ист примерот како со Тетовската модуларна болница?
3. Кој е надзор на градбата и дали тој утврдил недостатоци, дали ги нотирал или одобрил се што до сега е правено?
Одговори мора да има, но и одговорност. Тоа што мислат дека ги манипулираат скопјани ќе ги освести на претстојните избори, промените се во рацете на народот. Македонија повторно на граѓаните.
Марија Митева, портпарол и кандидат за пратеник на ВМРО-ДПМНЕ
Центар за комуникации на ВМРО-ДПМНЕ
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.