Митева: Набавка на садници од 9,5 милиони денари е доказ како се празни буџетската каса на Градот
- Рамковната спогодба за набавка на садници која изнесува 9,5 милиони денари е уште еден доказ за начинот на кој се празни буџетската каса на Град Скопје.
![Митева: Набавка на садници од 9,5 милиони денари е доказ како се празни буџетската каса на Градот](https://new.mia.mk/index.php/images/20221107131347_big_730x400_52.webp )
Рамковната спогодба за набавка на садници која изнесува 9,5 милиони денари е уште еден доказ за начинот на кој се празни буџетската каса на Град Скопје.
Листата на цени изгледа вака: зимзелените садници имаат единечна цена од 10.000, декоративните садници цена од 24.000 денари, а дрворедните садници цена од 25.000 денари.
Позади мене се садници кои се поставени пред околу 30 дена, а како што може да видите сите се исушени.
Огромен е парадоксот што како граѓани сме обврзани да плаќаме нов надомест за одржување на јавни површини, а за возврат добиваме уништено зеленило во градското подрачје. Поради лошото менаџирање на Шилегов, Град Скопје доживува четиригодишна стагнација, а парите се потрошени во празни проекти.
Информациите со кои располагаме кажуваат дека многу од набавените садници не биле во согласност со димензиите од техничката спецификација па неколку од нив биле вратени на добавувачот. И повторно го прашуваме Шилегов зошто во централното градско подрачје се уништени здрави дрва, додека други над 50 дрва кои претставуваат вистинска опасност за граѓаните не се отстранети иако за истите има уредна документација.
Драги скопјани, охрабрувачки е што знаеме дека влегуваме во последните месеци од власт на Шилегов. Град Скопје има огромен потенцијал да се развива и напредува, а на нас останува да ги решаваме проблемите. Најдоброто за нашите општини е што поскоро да замине Шилегов, да замине СДСМ.
Марија Митева, портпарол на ВМРО-ДПМНЕ ___________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.