Министерството за правда на САД повеќе нема да бара од новинарите да ги откриваат изворите
- Министерството за правда на САД денеска соопшти дека нема да бара од новинарите да ги цитираат своите извори, по неодамнешните откритија дека администрацијата на поранешниот претседател Донал
![Министерството за правда на САД повеќе нема да бара од новинарите да ги откриваат изворите](https://new.mia.mk/index.php/images/20221107121844_big_730x400_61.webp )
Вашингтон, 5 јуни 2021 (МИА) - Министерството за правда на САД денеска соопшти дека нема да бара од новинарите да ги цитираат своите извори, по неодамнешните откритија дека администрацијата на поранешниот претседател Доналд Трамп тајно собирала информации за телефонски разговори и е-маил пораки на некои новинари.
Си-Ен-Ен и Вашингтон пост објавија дека администрацијата на Трамп тајно се обидувала да добие пристап до телефонските разговори на нивните новинари од 2017 година.
Њујорк Тајмс објави дека Министерството за правда под претседателство на Трамп и Џо Бајден водело „тајна правна битка за добивање е-маил кодови на четворица новинари од Њујорк Тајмс“, вклучително и следење на уредниците на тие медиуми.
Бајден минатиот месец рече дека ќе му забрани на Министерството да дојде до телефонски разговори или електронски пораки од новинари, велејќи дека тоа би било „едноставно погрешно“.
„Под раководство на претседателот, ова Министерство за правда ја менува својата долгогодишна пракса и нема присилно да бара извори на информации од членови на медиуми кои ја вршат својата работа во истрагите за протекување на податоци“, рече портпаролот на Министерството за правда Ентони Коли.
Трамп често се караше со новинарите и ги обвинуваше за „лажни вести“. паг/