Министерот Филипче и Министерството за здравство добитници на признанието за хуманост „Св. Мајка Тереза“
- Министерот за здравство доц. д-р Венко Филипче и Министерството за здравство вечерва добија посланија „Св. Мајка Тереза“ за 2020 година и статуетки за хуманост од Граѓанската Асоцијација „Ско
![Министерот Филипче и Министерството за здравство добитници на признанието за хуманост „Св. Мајка Тереза“](https://new.mia.mk/index.php/images/20221104191735_big_730x400_77.webp )
Скопје, 5 септември 2020 (МИА) - Министерот за здравство доц. д-р Венко Филипче и Министерството за здравство вечерва добија посланија „Св. Мајка Тереза“ за 2020 година и статуетки за хуманост од Граѓанската Асоцијација „Скопјанката Мајка Тереза“.
Вакво признание добија и директорката на Клиниката за инфективни болести и фебрилни состојби д-р Милена Стевановиќ, директорот на Градската општа болница „8 Септември“ д-р Христијан Костов и директорот на Институтот за белодробни заболувања кај децата Козле д-р Ангелчо Андоновски.
По повод 110 години од раѓањето на Св. Мајка Тереза, граѓанското здружение оваа година го посвети настанот на институциите и здравствените работници кои во овие моменти се во првите борбени редови во спасувањето на секој човечки живот и справување со ковид-19.
- Здравствените работници и соработници покажаа и докажаа како се работи пожртвувано. Докажаа дека во нивните принципи на работа ги имаат вградено постулатите на почитуваната Мајка Тереза. Ви благодарам за почитта. Со истата енергија ќе продолжиме и понатаму да работиме за да обезбедиме најдобар третман за нашите пациенти, потенцирал министерот Филипче, стои во соопштението од Министерството за здравство.
Наградата „Послание за хуманост“ и статуетка со ликот на „Св.Мајка Тереза“ е востановена во 1999 година од граѓанското здружение „Скопјанката Мајка Тереза“ од Скопје. Признанијата се доделуваат во рамки на деновите на Мајка Тереза кои се одбележуваат во чест на нејзиниот роденден, а централната манифестација се одржува на 5 септември, денот на нејзиното упокојување. цр/
![Послание Мајка Тереза (1)](/articles/images/ministerot-filipche-i-ministerstvoto-za-zdravstvo-dobitnici-na-priznan/rFiowOikG/placeholder.webp?use_watermark=0)
![Мајка Тереза (5)](/articles/images/ministerot-filipche-i-ministerstvoto-za-zdravstvo-dobitnici-na-priznan/XTn3s7XNJ/placeholder.webp?use_watermark=0)
![Послание Мајка Тереза 2](/articles/images/ministerot-filipche-i-ministerstvoto-za-zdravstvo-dobitnici-na-priznan/kHMButZmu/placeholder.webp?use_watermark=0)
![Послание Мајка Тереза (7)](/articles/images/ministerot-filipche-i-ministerstvoto-za-zdravstvo-dobitnici-na-priznan/z7aMyn7zg/placeholder.webp?use_watermark=0)